ಇಂಗಿಸುವ ಬಾ..
ಮೋಡಗಟ್ಟಿ ಮಳೆಯು ಸುರಿಯಲು
ಮಣ್ಣಿನೆದೆಯಲಿ ಸಂಭ್ರಮ
ಧಾರೆಯಾಗಿ ಹರಿದ ಹನಿಗಳ
ಕಡಲಿನೊಡನೆ ಸಂಗಮ
ಎಷ್ಟು ಹರಿದವು ಎಷ್ಟು ಸರಿದವು
ಸೇರಿದ್ದೆಷ್ಟು ಒಡಲಿಗೆ
ಸಿಹಿಯು ಸೇರಿ ಉಪ್ಪಿನೊಡನೆ
ಹರಳುಗಟ್ಟಿದ ಮಡಿಲಿಗೆ
ಸುರಿದ ವರ್ಷ ಧಾರೆ
ಹೃದಯದಾ ಬೇರಿಗಿಳಿಯಲಿ
ಅಂತರ್ಜಲಗಳು ವೃದ್ಧಿಯಾಗುತ
ಬಿರಿದ ಭುವಿಯಲಿ ತಂಪ ಹರಡಲಿ
ತಡೆಹಿಡಿವ ನಡೆ ಒಡೆದ ನಲ್ಲಿಗಳ
ಹರಿವ ಸೋರಿಕೆ ಉಳಿಸುವ
ಇಂಗುಗುಂಡಿಯ ತೆಗೆದು ಇಂಗಿಸಿ
ಬಾವಿ ಕೆರೆಗಳ ತುಂಬುವ
ಸಾಧ್ಯವಾಗಲಿ ಮನೆ ಮನೆಯಲಿ
ಮಳೆಯ ನೀರಿನ ಸಂಗ್ರಹ
ಜಲವು ಉಳಿದರೆ ನಾವು ಉಳಿವೆವು
ಇದುವೆ ಪ್ರೀತಿಯ ಆಗ್ರಹ
ಗಾಯತ್ರೀ ರಾಘವೇಂದ್ರ ,ಶಿರಸಿ