ಪರಿಸರ ಸ್ನೇಹಿ ಶೌಚಾಲಯ

ಈ ವೀಡಿಯೋದಲ್ಲಿ ಪರಿಸರ ಸ್ನೇಹಿ ಶೌಚಾಲಯಗಳ ಬಳಕೆಯಿಂದ ನೀರಿನ ಮಿತವ್ಯಯ ಸಾಧ್ಯ ಮತ್ತು ಮನುಷ್ಯನ ಮಲ ಮೂತ್ರವನ್ನು ಗೊಬ್ಬರವನ್ನಾಗಿ ಪರಿವರ್ತಿಸಿ ಹೇಗೆ ಬೇಸಾಯಕ್ಕೆ ಬಳಸಬಹುದು ಎಂಬುದನ್ನು ತಿಳಿಸಲಾಗಿದೆ.
ಶೌಚಾಲಯದಲ್ಲಿ ಎರಡು ಗೂಡುಗಳನ್ನು ಮಾಡಲಾಗಿದೆ. ಮೊದಲು ಒಂದನ್ನು ಬಳಸಲಾಗುವುದು. ವಿಸರ್ಜಿಸಿದ ಮಲದ ಶೇಖರಣೆಯಿಂದ ಈ ಗೂಡು ತುಂಬಿದ ನಂತರ ಇನ್ನೊಂದನ್ನು ಬಳಸಲಾಗುವುದು. ೮ ರಿಂದ ೧೦ ತಿಂಗಳೊಳಗೆ ಮಲವು ಗೊಬ್ಬರವಾಗಿ ಪರಿವರ್ತಿಸಿರುತ್ತದೆ. ಆ ಗೊಬ್ಬರವನ್ನು ವಿವಿಧ ಬೆಳೆಗಳಿಗೆ ಬಳಸಬಹುದು. ಇದರಿಂದ ಭೂಮಿಯ ಕ್ಷಾರತೆಯನ್ನು ಕಾಪಾಡುವುದರ ಜೊತೆಗೆ ನೀರಿನ ಉಳಿತಾಯವನ್ನು ಮಾಡಬಹುದು ಎಂಬುದನ್ನು ತಿಳಿಸಿಕೊಡುತ್ತದೆ.