ಹರಳೆಣ್ಣೆ ಬೇಯಿಸುವುದು

ಹರಳೆಣ್ಣೆ ನೆತ್ತಿಗೆ ತಂಪು. ಅದರಲ್ಲಿಯೂ ಬೇಯಿಸಿ ತೆಗೆದ ಹರಳೆಣ್ಣೆಯ ಸೊಗಡೇ ಅದ್ಭುತ. ಹಳ್ಳಿಗಳಲ್ಲಿ ಹರಳೆಣ್ಣೆ ಬೇಯಿಸುವುದು ಒಂದು ಸಂಭ್ರಮ. ಬೆಳಗಿನ ಜಾವಕ್ಕೇ ಒಲೆ ಹಚ್ಚಿ ಎಣ್ಣೆ ಬೇಯಿಸಲು ಕುಂತರೆ ಅದು ಮುಗಿಯುತ್ತಿದ್ದುದು ಬೆಳಿಗ್ಗೆ ಹನ್ನೆರಡು ಗಂಟೆ ಹೊತ್ತಿಗೆ. ಇದೊಂದು ಸಾಮೂಹಿಕ ಕ್ರಿಯೆ. ಈಚೆಗೆ ಎಲ್ಲೆಲ್ಲೂ ಬ್ರಾಂಡೆಡ್ ಕೊಬ್ಬರಿ ಎಣ್ಣೆ ಬಳಕೆ ಹೆಚ್ಚಾಗಿ ಹರಳೆಣ್ಣೆ ಬಳಕೆ ಕಡಿಮೆಯಾಗಿದೆ. ಜೊತೆಗೆ ಆ ಹರಳೆಣ್ಣೆ ಬೇಯಿಸುವ ಸಂಭ್ರಮವೂ! ಚಿತ್ರದಲ್ಲಿರುವುದು ಮಧುಗಿರಿ ತಾಲ್ಲೂಕು ನೇರಳೆಕೆರೆ ಗೊಲ್ಲರಹಟ್ಟಿಯ ಹೆಣ್ಣುಮಕ್ಕಳು ಒಟ್ಟಾಗಿ ಹರಳೆಣ್ಣೆ ಬೇಯಿಸುವ ದೃಶ್ಯ. ಈಚೆಗೆ ಇದು ನೋಡಲು ಸಿಕ್ಕಿತು.

ವಿವರಣೆ ಮತ್ತು ಚಿತ್ರ:
ಮಲ್ಲಿಕಾರ್ಜುನ ಹೊಸಪಾಳ್ಯ