ದೊಡ್ಡ ನೀರಿನ ತೊಟ್ಟಿ ನೀರಿನ ದುರ್ವ್ಯಯವನ್ನು ತಡೆಯುತ್ತದೆ!

ನೀರಿನ ಧಾರಾಳ ಲಭ್ಯತೆ ಹಲವೊಮ್ಮೆ ಅದರ ದುರ್ವ್ಯಯಕ್ಕೆ ಕಾರಣವಾಗುವುದು ನೀವೆಲ್ಲಾ ಗಮನಿಸಿರಬಹುದು.ದೊಡ್ಡ ದೊಡ್ಡ ಪಂಚತಾರಾ ಹೋಟೆಲುಗಳಲ್ಲಿ,ಶ್ರೀಮಂತರ ಮನೆಗಳಲ್ಲಿ,ದೊಡ್ಡ ನೀರಿನ ಸಂಗ್ರಾಹಕ ತೊಟ್ಟಿಗಳಿದ್ದು,ದಿನದ ಇಪ್ಪತ್ತನಾಲ್ಕು ಗಂಟೆಯೂ ನೀರು ನಳ್ಳಿಯಲ್ಲಿ ಧಾರಾಳವಾಗಿ ಬರುತ್ತಿರುತ್ತದೆ.ಕೈತೊಳೆಯಲು ಹೋದವರು ಬುರ್ರೆಂದು ಬರುವ ನೀರನ್ನು ಅನವಶ್ಯಕವಾಗಿ ಬಿಟ್ಟು,ಒಂದೆರಡು ಲೀಟರಿನಲ್ಲಿ ಆಗುವ ಕೆಲಸಕ್ಕೆ ಲೀಟರುಗಟ್ಟಲೆ ನೀರು ವ್ಯಯಿಸುವುದು ಕಂಡು ಬರುತ್ತದೆ.
ಆದರೆ ಸಾರ್ವಜನಿಕ ಸ್ಥಳಗಳಲ್ಲಿ ದೊಡ್ಡ ನೀರಿನ ತೊಟ್ಟಿಗಳು ನೀರಿನ ಅಪವ್ಯಯ ತಡೆಗಟ್ಟಲು ಅವಶ್ಯಕ ಎನ್ನುವುದು ನನ್ನ ಅನಿಸಿಕೆ.ನಮ್ಮ ಸಂಸ್ಥೆಯಲ್ಲಿ ಎರಡು ಮೂರು ಸಾವಿರ ಜನರು ಇದ್ದು, ಸಾವಿರಾರು ಲೀಟರು ನೀರು ಖರ್ಚಾಗುತ್ತದೆ. ಅದರೆ ಸಣ್ಣ ತೊಟ್ಟಿಯ ಬದಲು ಲಕ್ಷ ಲೀಟರು ನೀರು ಹಿಡಿಸುವ ತೊಟ್ಟಿ ನಿರ್ಮಿಸಿದ ಬಳಿಕ ನೀರಿನ ಅಪವ್ಯಯ ಕಡಿಮೆಯಾಗಿರುವುದನ್ನು ನಾನು ಗಮನಿಸಿದ್ದೇನೆ.ಹೇಗೆಂದು ಊಹಿಸಿ ಹೇಳಿ.